20 sen
İsveçrəli tələbələr UNEC-də təcrübə proqramında iştirak edirlər
İsveçrə Konfederasiyasının Tətbiqi Elmlər və İncəsənət Universitetinin tərkib hissəsi sayılan HES-SO Ali idarəetmə və iqtisadiyyat məktəbinin 12 tələbəsi UNEC-də təcrübə proqramında iştirak edir.
AzEdu.az xəbər verir ki, bu barədə UNEC-dən məlumat verilib.
"Azərbaycanda isveçrəli şirkətlər üçün bazar və biznes mühitinin müəyyən edilməsi və İsveçrə bazarı üçün Azərbaycan nə vəd edir?” adlı intensiv təcrübə proqramı sentyabrın 18-dən 29-dək davam edəcək.
Proqramın ilk günü isveçrəli tələbələr UNEC-in əsas tədris binasında I kurs tələbələri üçün təşkil olunan Oryientasiya günündə iştirak ediblər. Həmçinin 24/7 kitabxana, Ekstern Mərkəzi və Karyera Mərkəzinin fəaliyyəti ilə yaxından tanış olublar.
Sonra UNEC-in Beynəlxalq əlaqələr və proqramlar üzrə prorektoru Neman Muradlı tələbələrə "Azərbaycana makro iqtisadi baxış" mövzusunda təlim keçib.
64
